«Тоттенхэм» бош мураббийи Роберто Де Дзерби «Ливерпуль» қанот ҳимоячиси Эндрю Робертсоннинг трансферига розилик берди. Футболчининг шартномаси шу ёзда якунига етади. Бу ҳақда TEAMtalk нашри хабар бермоқда.
Манбанинг маълумотига кўра, Лондон клубидан ташқари, 32 ёшли футболчига «Селтик» ва унинг собиқ жамоаси «Халл Сити» ҳам қизиқиш билдирмоқда. «Йўлбарслар» агар Англия Премьер-лигасига йўлланма олсалар, Робертсонга таклиф билан чиқишга тайёр. Айни дамда клуб Чемпионшипнинг плей-офф ҳудудидан жой олган.
Таъкидланишича, шотландиялик ҳимоячи «Тоттенхэм» билан ўтиш борасида келишувга эришган ва ҳаттоки «шпорлар» АПЛни тарк этган тақдирда ҳам жамоага қўшилиши мумкин.
