Ярим ҳимоячи Жереми Бога ижара асосида тўп тепаётган «Ювентус» клубида қолиш истаги борлиги ҳақида гапириб берди.
«Ювентус» ҳаётимни, фаолиятимни сақлаб қолди. Менимча, бу ерга келиш мен учун ушалмас орзу эди ва ҳозир мен жуда бахтлиман», — деди Бога DAZN телеканалига берган интервьюсида.
«Ювентус» Жереми Богани шу йилнинг февраль ойида «Ницца» клубидан сотиб олиш ҳуқуқи билан ижарага олган эди. Унинг Франция клуби билан амалдаги шартномаси 2027 йил 30 июнга қадар мўлжалланган.
Жорий мавсумда ивуарлик футболчи Турин жамоаси сафида барча турнирларда 11 та ўйинда майдонга тушиб, 4 та гол урди ва битта голли узатмани амалга оширди. Transfermarkt портали Боганинг бозор қийматини 8 миллион еврога баҳоламоқда.
