Кипрда ўтказилаётган шахмат бўйича 2026 йилги Талабгорлар турнири ўзбекистонлик гроссмейстер Жавоҳир Синдаров учун муваффақиятли давом этмоқда. Мусобақанинг 12-турида Синдаров дунёнинг энг кучли шахматчиларидан бири Ҳикару Накамурага қарши дона сурди.

Ушбу баҳс 33-юришдаёқ дуранг натижа билан якунланди. Шахматчилар мазкур ўйин учун тахминан ярим соат вақт сарфлашди.

Мазкур натижа эвазига Жавоҳир турнир жадвалидаги пешқадамлигини мустаҳкамлади. Айни пайтда Синдаров 9 очко билан 1-ўринни эгаллаб турибди.

Ҳамюртимизнинг энг яқин таъқибчиси Аниш Гири хитойлик Вей-Йига қарши қора доналарда ўйнаб, ғалабага жуда яқин келди. Хитойлик шахматчи партия даовомида бир нечта хтоларга йўл қўйди. Аммо нидерландиялик гроссмейстер негадир ғалабага олиб борувчи йўлни топа олмай, ҳар сафар вазиятни тенглаштириб қўйди. 77-юришга келиб эса томонлар юришларни 3 марта такрорлашди ва дурангга имзо чекишди.

13 апрель — мусобақада дам олиш куни. 13 апрель куни эса Гири ва Синдаров ўзаро тўқнаш келишади. Ушбу ўйинда дуранг ҳам Жавоҳирга муддатидан аввал чемпионликни тақдим этади.

15 апрелга қадар давом этадиган мазкур турнир ғолиби амалдаги жаҳон чемпиони Гукеш Доммаражуга қарши шахмат тожи учун кечадиган баҳсда иштирок этиш ҳуқуқини қўлга киритади. 14 турдан иборат мусобақанинг умумий соврин жамғармаси 700 минг АҚШ долларини ташкил этади.