«Милан»нинг француз ярим ҳимоячиси Адриен Рабио клуб дуч келган қийинчиликларни тан олди. Шанба куни жамоа ўз майдонида «Удинезе»га 0:3 ҳисобида имкониятни бой бериб, ўз мухлисларини қаттиқ хафа қилди.
«Муваффақиятсизликларга «Лацио»дан қабул қилинган мағлубиятдан кейинги руҳий зарба сабаб бўлдими ёки йўқ, буни билмайман. Футболчилар бундай вазиятларни енгиб ўтишни билишлари керак, мавсум давомида бундай ҳолатлар учраб туради. Биз диққатимизни жамлаган ҳолда хотиржамликни сақлашимиз ва ваҳимага берилмаслигимиз лозим», — дея Рабионинг сўзларини келтирмоқда pianetamilan.it.
Француз футболчиси ўтган йилдан бери «Милан» шарафини ҳимоя қилиб келмоқда. Навбатдаги турда Массимилиано Аллегри жамоаси «Верона»га қарши майдонга тушади.
