«Комо» бош мураббийи Сеск Фабрегас жамоанинг А Серия турнир жадвалидаги ҳолати ҳақидаги саволга жавоб берди.
Якшанба куни «бьянкоблу» ўз майдонида «Интер»дан мағлубиятга учради (3:4) ва Чемпионлар лигаси йўлланмасини берувчи тўртинчи ўринга қайтиш имкониятини қўлдан чиқарди.
«Жадвалда нечанчи ўринда эканимизни билмайман, чунки мавсум бошидан бери уни текширганим йўқ ва ҳозир ҳам буни қилиш ниятим йўқ. Шунчаки айта оламанки, биз эришилган натижалар билан тўхтаб қолмоқчи эмасмиз. Олдинда яна олтита тур бор, шунингдек, Италия Кубогидаги иштирокимизни ҳам давом эттиряпмиз. Мавсум якунида қаерда бўлишимизни кўрамиз», — дея Фабрегаснинг сўзларини келтирмоқда Football Italia.
Ҳозирда «Комо» тўртинчи поғонада бораётган «Ювентус»дан икки очко ортда қолмоқда.
