«Барселона» ярим ҳимоячиси Марк Бернал Чемпионлар лигаси доирасида Мадриднинг «Атлетико» клубига қарши кечадиган муҳим баҳсни ўтказиб юбориши мумкин.
18 ёшли футболчи ой бошида тўпиғидан жароҳат олган эди, шу сабабли у «кўк-анорранглилар»нинг сўнгги икки ўйинида иштирок эта олмади. Diario AS нашрининг хабарига кўра, Бернал «матрасчилар»га қарши ЕЧЛ 1/4 финал жавоб учрашувигача тикланишга улгурмаяпти: ярим ҳимоячи ё оғриқ қолдирувчи воситалар ёрдамида майдонга тушади ёки умуман ўйинда қатнашмайди. Бош мураббий Ханс-Дитер Флик футболчининг соғлиғини хавф остига қўйишни ва унинг қайтишини тезлаштиришни истамаяпти. Якуний қарор душанба куни қабул қилинади.
Эслатиб ўтамиз, «Барселона» қарама-қаршиликнинг дастлабки баҳсида «Камп Ноу»да «Атлетико»га имкониятни бой берган (0:2). Жавоб ўйини сешанба куни, 14 апрелда бўлиб ўтади.
