«Борнмут» ҳужумчиси Эли Жуниор Крупи Англия Премьер-лигаси грандларининг трансфер мақсадига айланди.

CaughtOffside нашрининг хабарига кўра, 19 ёшли порлоқ юлдузни ўз сафига қўшиб олиш учун «Ливерпуль» ва «Челси» жамоалари кураш олиб бориш ниятида. Тахминларга кўра, «олчалар» (Борнмут лақаби) истиқболли француз учун тахминан 60 миллион фунт стерлинг (тахминан 69 миллион евро) талаб қилади.

Transfermarkt экспертларининг баҳосига кўра, Эли Жуниор Крупининг бозор қиймати 40 миллион еврони ташкил этади. Англия чемпионатининг жорий мавсумида ёш ҳужумчи «Борнмут» сафида 27 та ўйинда майдонга тушиб, 10 та голни ўз ҳисобига ёзиб қўйди. Хусусан, футболчи сўнгги икки учрашувда «Арсенал» ва «Манчестер Юнайтед» дарвозаларини ишғол қилишга муваффақ бўлди.