«Манчестер Сити» бош мураббийи Пеп Гвардиола «Челси» устидан қозонилган йирик ғалаба якунлари ҳақида тўхталди. АПЛнинг 32-тури доирасида бўлиб ўтган учрашув 3:0 ҳисобида меҳмонлар фойдасига ҳал бўлди.

«Стэмфорд Бридж» каби стадионда меҳмонда ғалаба қозониш... Мухлислар хурсанд. Биз бахтиёрмиз. Иккинчи бўлим биринчисига қараганда минг марта яхшироқ чиқди. Биринчи бўлим ҳам ёмон бўлгани йўқ, лекин баъзи футболчилар ўзларини кўрсатишлари керак бўлган даражада эмасдилар», — дея мураббий сўзларидан иқтибос келтиради Sky Sports.

«Биз ўсишда давом этяпмиз. Энди бизда ҳафталар узунроқ, чунки Чемпионлар лигасидан чиқиб кетдик. Жисмоний томондан тетиклашдик, ҳамма машғулотларда қатнашмоқда, футболчилар нима қилиш кераклигини яхшироқ тушунишяпти. Реаллик шундай».