«Манчестер Сити» ҳужумкор ярим ҳимоячиси Райан Шерки журналистлар билан суҳбатлашди. Якшанба куни француз футболчиси иккита голли узатмани амалга ошириб, «шаҳарликлар»нинг сафарда «Челси»ни тор-мор этишига (3:0) катта ҳисса қўшди. Хосеп Гвардиола жамоаси ўз майдонидаги ўзаро баҳс олдидан Премьер-лига жадвалида «Арсенал» билан орадаги фарқни олти очкогача қисқартирди.

«Мен ҳеч қандай босимни ҳис қилмаяпман — шунчаки жамоадошларим билан ўйнашни, мухлисларни хурсанд қилишни, Гехи, Холанд ва бошқаларга яхши паслар беришни хоҳлайман. Энди бизни «Арсенал»га қарши ўйин кутмоқда — бу энг муҳим баҳс!» — деди Шерки ўз интервьюсида.

«Манчестер Сити» келаси якшанба, 19 апрель куни «Этихад» стадионида «канонирлар»ни қабул қилади.