«Тоттенхэм» ҳимоячиси Кристиан Ромеро «Сандерленд»га қарши ўйинда (0:1) олган тизза жароҳати сабаб 2025/26 йилги мавсумнинг қолган қисмини ўтказиб юборади, деб хабар бермоқда ESPN.
Манбанинг маълумотларига кўра, дастлабки тиббий кўриклар 27 ёшли аргентиналик футболчининг тизза пайлари шикастланганини кўрсатган. Жароҳатнинг қай даражада жиддий эканини аниқлаш учун яқин кунларда қўшимча текширувлар ўтказилади.
Ҳимоячи беш ҳафтадан саккиз ҳафтагача майдонга туша олмаслиги мумкин ва «Тоттенхэм» бу ҳақдаги расмий маълумотни яқин кунларда эълон қилади.
Шундай бўлса-да, Жаҳон чемпионати-2026 бошланишига икки ойдан кам вақт қолганини инобатга олсак, Ромерода турниргача тўлиқ тикланиб олиш имконияти мавжуд бўлади.
2025/26 йилги мавсумда ҳимоячи 32 та ўйинда майдонга тушиб, олтита гол урди ва учта голли узатмани амалга оширди.
