Бельгиялик ҳужумчи Ромелу Лукаку барибир Неаполга қайтишига тўғри келади — бу сафар майдонга тушиш учун эмас, балки келажаги борасида музокаралар ўтказиш учун. Sport Mediaset нашрининг хабар беришича, Лукакунинг Италияга қайтиши роппа-роса бир ҳафтадан кейин — 20 апрель куни кутилмоқда.

Учрашув уч томонлама бўлади: «Наполи» президенти Аурелио де Лаурентис, бош мураббий Антонио Конте ва албатта, Ромелу Лукакунинг ўзи. Учрашувнинг энг эҳтимолли натижаси хайрлашув формуласини ишлаб чиқиш бўлади — Контенинг футболчига бўлган меҳри баланд бўлса-да, у ҳозирги вазиятга тоқат қилиши амримаҳол.

Эслатиб ўтамиз, А Сериянинг 32-тури якунларига кўра, «Наполи» дуранг ўйнаган бўлса-да, турнир жадвалида иккинчи ўриндаги мавқеини мустаҳкамлаб олди.