«Челси» клубининг бош компанияси £ 630 млн миқдорида зарар кўргани ҳақида ҳисобот берди, деб хабар бермоқда Football.London.

Манбанинг таъкидлашича, ушбу зарар 2025 йилнинг 30 июнида якунланган 12 ойлик давр ичида қайд этилган.

BlueCo — Тодд Бoэли бошчилигидаги консорциум бўлиб, у 2022 йилнинг май ойида Лондон клубини £ 4,25 миллиардга сотиб олган эди. Компания, шунингдек, Франциянинг «Страсбур» клубига ҳам тўлиқ эгалик қилади. Икки жамоа ўртасида нафақат футболчилар, балки мураббийлар борасида ҳам яқин ҳамкорлик йўлга қўйилган — масалан, шу йилнинг январь ойида француз клуби бош мураббийи Лиам Росеньор «Челси»га ўтган эди.

Ҳисоб-китобларга кўра, Боэли ва унинг шериклари ўз футбол клублари орқали ҳафтасига ўртача £ 10,4 млн йўқотмоқдалар. «Челси» сотиб олинган вақтдан бери BlueCo компаниясининг умумий зарари £ 1,6 млрддан ошиб кетди.

Эслатиб ўтамиз, апрель ойи бошида «Челси» Англия Премьер-лигаси тарихидаги рекорд даражадаги — солиқлар тўлангунга қадар £ 262,4 млн миқдоридаги зарар ҳақида ҳисобот берган эди.