Италия гранди ўз сардори билан шартномани узайтириш арафасида турибди.

Журналист Мирко Ди Наталенинг хабар беришича, «Ювентус» спорт раҳбарияти Мануэль Локателли билан янги узоқ муддатли келишув имзолаш бўйича музокараларда анча илгарилаб кетди. Айни дамда томонлар 2030 йилнинг июнь ойи охиригача ёки 2031 йилгача мўлжалланадиган шартноманинг сўнгги деталларини аниқлаштиришмоқда.

Қайд этилишича, 28 ёшли Локателли шу ҳафтанинг ўзидаёқ «Юве» билан янги шартнома имзолашга тайёр. Шунингдек, машҳур инсайдер Фабрицио Романо ҳам ушбу маълумотни тасдиқлади.

Жорий мавсумда Мануэль Локателли «Ювентус» сафида барча турнирларда 41 та ўйинда майдонга тушиб, 3 та гол урди ва 2 та голли узатмани амалга оширди. Умумий ҳисобда, унинг «бьянконерилар» таркибидаги 224 та ўйинида 9 та гол ва 17 та голли узатма мавжуд.