Франция терма жамоасининг собиқ ҳужумчиси Кристоф Дюгарри «Манчестер Сити» ярим ҳимоячиси Райан Шерки бошқа таниқли француз футболчиларидан устун эканлигига шубҳа билан қарайди.

«У кимдан фарқ қилади? У Олиседан яхшироқми? Барколяданми? Ёки Дуэданми? Шеркининг услуби нимадан иборат? Қолган барча футболчилар кўрми, оқсоқми ёки масхарабозми?

Барчамиз Шеркининг иқтидорли эканлигига қўшиламиз, лекин нима учун унга алоҳида муносабатда бўлишади? Пеп Гвардиола ҳам Шерки етарлича прессинг қилмаслигини тушунтирган эди. Биз биламизки, замонавий футбол ҳужумчилардан прессинг қилишни талаб этади.

Шеркига алоҳида муносабатда бўлиш — бу ҳамма прессинг қилиши керак бўлган пайтда унга дам олишга рухсат бериш демакдир. Мен унга бошқача муносабатда бўлиш керак эмас деб ҳисоблайман. Мутлақо йўқ, аксинча!» — деди Дюгарри.

Эслатиб ўтамиз, Райан Шерки 2025 йилнинг ёзида 30 миллион фунт стерлинг эвазига «Лион»дан «Манчестер Сити» сафига ўтган эди. Жорий мавсумда у «шаҳарликлар» сафида барча турнирларда 9 та гол ва 11 та голли узатма муаллифига айланди.