«Арсенал» бош мураббийи Микель Артета одатдагидек бўлажак рақиб шаънига илиқ сўзларни аямади. Бу сафар у Лиссабоннинг «Спортинг» жамоаси ҳақида гапирди.
«Уларга қарши ўтказилган биринчи ўйин мени ажаблантирмади. Биз улар қанчалик кучли эканлигини ва рақибга қандай турли усуллар билан хавф туғдириши мумкинлигини яхши тушунамиз. Бу ҳақиқатан ҳам жуда яхши шаклланган жамоа ва улар буни дастлабки баҳсда исботлашди. Шу сабабли, эртанги ўйин биз учун жуда қийин бўлишини биламиз», — деди Артета «Арсенал» матбуот хизматига.
Эслатиб ўтамиз, бир ҳафта олдин Лиссабонда кечган баҳсда «Арсенал» қийинчилик билан 1:0 ҳисобида ғалаба қозонган эди. Ўйиннинг сўнгги дақиқаларида Габриэль Мартинеллининг ажойиб узатмасидан сўнг Кай Хаверц ғалаба голини киритганди.
