«Реал» бош мураббийи Альваро Арбелоа «Бавария» меҳмони бўладиган баҳсда унинг жамоаси мўъжиза кўрсатиши керак деб ҳисобламайди. Бу ҳақда мутахассис матбуот анжумани чоғида таъкидлаб ўтди.
— Мўъжиза яратиш учун олдинга қадам ташлашингиз керакми?
— Мен бизга қандайдир мўъжиза керак деб ҳисобламайман. Агар биринчи ўйинда ғалаба қозонганимизда, бу ақл бовар қилмайдиган воқеа бўлмасди. Ўша учрашувнинг энг яхши ўйинчиси уларнинг дарвозабони бўлди. Биз эртага ғалаба қозонишга қодирмиз. «Реал»ни биладиганлардан ҳеч ким эртанги ғалабамизни мўъжиза деб ҳисобламайди, — деди Арбелоа.
