"Атлетико" посбони Хуан Муссо Чемпионлар Лигасидан чиқиб кетганидан сўнг ҳакамликни танқид қилган "Барселона" вингери Рафиньянинг сўзларига муносабат билдирди.
Эслатиб ўтамиз, "Атлетико" икки ўйин натижасига кўра (2:0, 1:2) "Барселона"ни мусобақадан чиқариб юборди.
"Уларнинг гапларини эшитсангиз, гўёки "Барса" фойдасига учта пенальти белгиланмаган ва уларга тўртта қизил карточка берилмагандек таассурот уйғонади. "Ўғирлик" ҳақида гапириш ноўрин.
Мен Рафинья нима демоқчи эканлигини тушунаман, бошқа ҳар қандай одам нима дейиши мумкинлигини ҳам тушунаман — мен ҳар бир фикрни ҳурмат қиламан. Аммо келинг, "ўғирлик" ҳақида гапирмайлик, чунки бундан ҳеч кимга енгил бўлиб қолмайди. Биз майдонда ғалаба қозондик, уларни ўз уйларида 2:0 ҳисобида мағлуб этдик", — деди Муссо.
