"Уотфорд" клуби собиқ ҳужумчиси Трой Дини "Барселона"нинг Ханси Флик бошқарувидаги келажагига шубҳа билан қарашини билдирди. Унинг фикрича, немис мутахассисининг тактикаси Европада муваффақият қозониш учун жуда хавфли.
"Улар ҳеч қачон Ханси Флик қўл остида Чемпионлар Лигаси каби турнирда ғалаба қозона олишмайди. Уларнинг ўйин услуби ҳимояда ҳаддан ташқари кўп таваккал қилишга мажбур этади ва рақибларга жуда кўп имкониятлар тақдим этади.
Бундай юқори даражада бунчалик кўп хатоларга йўл қўйиб бўлмайди. Бундай ўйин билан Чемпионлар Лигасида ғолиб чиқилмайди", — деди Дини.
Динининг фикрича, "Барса" ҳимоядаги мувозанатни топмас экан, қитъанинг энг нуфузли кубоги улар учун ушалмас армон бўлиб қолаверади.
