«Наполи» бош мураббийи Антонио Конте ва клуб президенти Аурелио Де Лаурентис ўртасида тушунмовчилик пайдо бўлди. Corriere della Sera нашрининг хабарига кўра, Контега Де Лаурентиснинг унинг келажаги ҳақида омма олдида гапираётгани ёқмаган.
Томонлар ўртасидаги учрашув июнь ойи бошига режалаштирилган эди, бироқ у вақтлироқ бўлиб ўтиши ҳам мумкин. «Наполи» президенти Контенинг келажаги ҳақида ОАВга гапирмаслик бўйича келишувни бузган, бу эса мураббийнинг қаттиқ норозилигига сабаб бўлган.
Ҳозирча Италия терма жамоаси Конте билан алоқага чиққани йўқ, аммо мураббийнинг ўзи бу ишга қизиқиш билдирмоқда. Эслатиб ўтамиз, Антонио Конте 2024 йилдан бери «Наполи»ни бошқариб келмоқда. Унинг қўл остида Неаполь клуби Серия А ва Италия Суперкубогида ғолиб чиқди.
