Халқаро футбол федерацияси (ФИФА) президенти Жанни Инфантино Эрон терма жамоаси футболчилари 2026 йилги жаҳон чемпионатида иштирок этишни хоҳлаётганига ишончи комил эканини таъкидлади.
«Эрон жамоаси албатта келади. Биз, албатта, ўша вақтгача вазият тинчланишига умид қиламиз, бу шубҳасиз ёрдам беради. Аммо Эрон келиши шарт. Улар ўз халқини ифода этадилар. Улар саралашдан ўтишди. Футболчилар ўйнашни хоҳлашади. Мен икки ҳафта олдин уларнинг олдига бордим, улар Анталияда ўқув-машғулот йиғинини ўтказишаётган эди ва улар ҳақиқатан ҳам майдонга тушишни исташмоқда. Улар ўйнашлари керак — спорт сиёсатдан ташқарида бўлиши лозим.
Тўғри, биз Ойда яшамаяпмиз, Ер сайёрасида яшаяпмиз, лекин агар биздан бошқа ҳеч ким кўприклар қуришга ва уларнинг яхлитлиги ҳамда бирлигини сақлашга ишонмаса, унда бу иш билан биз шуғулланамиз», — дея Инфантинонинг сўзларини келтиради ESPN нашри.
