"The Athletic" нашри «Реал»нинг Чемпионлар лигасидан «Бавария»га (4:6) мағлуб бўлиб чиқиб кетганидан сўнг, клуб раҳбарияти бош мураббий Альваро Арбелоа ўрнига кўриб чиқаётган номзодлар рўйхатини ошкор қилди.

Манбага кўра, мадридликлар қуйидаги мутахассисларни ўрганмоқда:

- Юрген Клопп;
- Зинедин Зидан;
- Дидье Дешам;
- Маурисио Почеттино.

Клопп клуб раҳбарияти орасида катта ҳурматга эга, аммо унинг «Ред Булл» тизимида ишлашни давом эттириш истаги туфайли бу трансфер эҳтимоли паст баҳоланмоқда.

Зинедин Зиданни эса клуб президенти Флорентино Перес яна жамоага қайтаришни истамоқда. Бироқ франциялик мураббийнинг Франция миллий жамоаси билан яқин алоқаси борлиги ва у 2026 йилги Жаҳон чемпионатидан кейин Дидье Дешам ўрнини эгаллаши кутилмоқда.

Айни пайтда Перес учун энг қизиқ вариант — Маурисио Почеттинони таклиф қилиш. Кутилишича, у Жаҳон чемпионатидан сўнг АҚШ миллий жамоасидаги фаолиятини якунлаши мумкин. Бироқ аргентиналик мутахассис ҳали кетиш бўйича якуний қарор қабул қилмаган ва ЖЧдан кейин ҳам АҚШда қолиш эҳтимолини истисно этмаган.