Лондоннинг «Арсенал» клуби бош мураббийи Микель Артета жамоасининг Чемпионлар лигаси ярим финалига йўл олиши фонида йўл қўйилаётган камчиликлар ҳақида гапирди.

«Канонирлар» учун чорак финал қарама-қаршилигида Лиссабоннинг «Спортинг» жамоаси устидан ғалаба қозониш учун қайд этилган нурсиз дуранг (0:0) кифоя қилди. Ҳаммасини ўтган ҳафта Лиссабонда Кай Хаверц томонидан киритилган ягона гол ҳал қилди.

«Ҳозирда бизда тўпга эгалик қилиш борасида муаммолар бор — ўйинни яхшироқ назорат қилиш ва доминантлик қилиш учун бунинг устида ишлашимиз керак. Бироқ, агар футболчиларнинг ўзини тутиши, характери ва ишга бўлган муносабати ҳақида гапирадиган бўлсак, бу борада ҳаммаси жойида — айнан шу жиҳат қийинчиликларни енгиб ўтишга ёрдам бермоқда», — деди Артета TNT Sports нашрига берган интервьюсида.

Чемпионлар лигаси финали йўлланмаси учун «Арсенал» Мадриднинг «Атлетико» клуби билан баҳс олиб боради.