«Бавария» вингери Майкл Олисе Чемпионлар лигаси чорак финалида Мадриднинг «Реал» клуби устидан қозонилган ғалабадан сўнг ОАВ вакиллари билан суҳбатлашди.

Венсан Компани шогирдлари ўз майдонида кечган жавоб баҳсида иродали ғалабани қўлга киритишди — 4:3. Олисе 94-дақиқада учрашувдаги сўнгги гол муаллифига айланди. Икки ўйин натижасига кўра мюнхенликлар 6:4 ҳисобида зафар қучишди.

— Турнир қироллари устидан қозонилган ғалабадан кейин таассуротларингиз қандай? — дея сўради журналист француз футболчисидан.

— Турнир қироллари? — деб қайта сўради Олисе кулиб.

— «Реал» Чемпионлар лигасида 15 марта ғолиб чиққан.

— Ҳа, тушунарли, — дея жавоб қайтарди ўйинчи.

Ярим финалда «Бавария» мусобақанинг амалдаги ғолиби — «ПСЖ» билан тўқнаш келади.