«Тоттенхэм» ҳимоячиси Дестини Удоджи А Серияга қайтиши мумкин.
Журналист Мирко Ди Наталенинг маълумотларига кўра, «Ювентус» футболчи билан шартнома имзолашдан манфаатдор. Турин клуби ўйинчини ёзги трансфер ойнаси учун асосий мақсадларидан бири сифатида белгилаб олди. Агар «Тоттенхэм» жорий мавсум якунларига кўра Англия Премьер-лигасини тарк этса, Удоджининг трансфери амалга ошиши эҳтимоли янада ортади.
Дестини Удоджи 2022 йилда «Удинезе»дан 18 миллион евро эвазига «Тоттенхэм»га ўтган эди. Унинг «шпорлар» билан шартномаси 2030 йилнинг 30 июнига қадар мўлжалланган. Жорий мавсумда ҳимоячи Лондон клуби сафида барча мусобақаларда 23 та ўйин ўтказиб, битта голли узатмани амалга оширди.
