Дортмунднинг «Боруссия» клуби собиқ футболчиси Владимир Бут Мюнхеннинг «Бавария» жамоасининг Чемпионлар лигасидаги истиқболлари ҳақида фикр билдирди.
Кеча, 15 апрель куни Венсан Компани жамоаси жавоб учрашувида Мадриднинг «Реал» клубини мағлуб этди ва Чемпионлар лигаси ярим финалига йўл олди (икки ўйин натижасига кўра — 6:4). Ярим финалда Германия клуби «ПСЖ» билан куч синашади.
"Бавария" асосий фаворитдек кўринмоқда, лекин "ПСЖ" ҳам жуда яхши футбол намойиш этмоқда. "Бавария" Чемпионлар лигасида ғолиб чиқиши керак — уларнинг ҳужум чизиғи жуда кучли. Кейн, Диас, Олисе, Мусиала эса ўз формасига қайтмоқда", — дея Бутнинг сўзларини келтирмоқда «Чемпионат» нашри.
Чемпионлар лигасининг иккинчи ярим финалида Лондоннинг «Арсенал» ва Мадриднинг «Атлетико» жамоалари ўзаро тўқнаш келишади.
