«Реал Мадрид» жорий мавсумни совринларсиз якунлаш хавфи остида қолгач, янги мураббий излашга тушди. Жамоа Чемпионлар лигасини тарк этди, Ла Лигада эса «Барселона»дан 9 очко ортда қолмоқда.

The Touchline нашрининг El Mundoга таяниб хабар беришича, мадридликлар номзодлар рўйхатига Жозе Моуриньюни ҳам киритишган.

Моуринью 2010–2013 йилларда «Реал»ни бошқариб, Испания чемпионлиги, Кубоги ва Суперкубогини қўлга киритган. Флорентино Перес ҳали ҳам португалиялик мутахассиснинг қобилиятини юқори баҳолайди. Жозе айни дамда Португалиянинг «Бенфика» клубини бошқармоқда.

Агар бу қайтиш амалга ошса, Мадридда яна «Special One» даври бошланиши мумкин.