«Ювентус»нинг собиқ дарвозабони Жанлуижи Буффон собиқ жамоадоши Алекс Маннингернинг ЙТҲ (йўл-транспорт ҳодисаси) оқибатида вафот этганига ҳиссиётларга бой тарзда муносабат билдирди.
Австриялик собиқ футболчининг автомобили поезд билан тўқнашиб кетган, 48 ёшли Маннингер ушбу ҳалокатдан сўнг омон қолмаган.
Буффон ижтимоий тармоқлардаги саҳифасида қолдирган постида ушбу хабардан қаттиқ ларзага тушганини маълум қилди. Жанлуижи Маннингернинг оддий нарсалардан бахт излаганини, масалан, ўрмонни, балиқ овлашни ва ўз оиласини жуда яхши кўрганини алоҳида таъкидлаб ўтди.
«Сен осмонда ҳам фарзандларинг ва рафиқангга ёрдам беришда давом этасан. Руҳинг тинч бўлсин», — дея ўз мактубини якунлаган италиялик афсона.
Алекс Маннингер 2008 йилдан 2012 йилгача «Ювентус» шарафини ҳимоя қилган ва Жанлуижи Буффоннинг ўринбосари ҳисобланган.
