«Манчестер Сити» Англия Премьер-лигаси доирасида «Арсенал»га қарши кечадиган ўз уйидаги баҳсга тайёргарлик кўрмоқда. Агар Хосеп Гвардиола шогирдлари ғалаба қозонса, йўқотилган очколар бўйича пешқадам «канонирлар»га етиб олишади.
Бўлажак тўқнашув ҳақида «Манчестер Сити» ҳужумчиси Эрлинг Холанд ўз фикрларини билдириб ўтди.
«Бу ажойиб ўйин бўлишига ишончим комил. «Арсенал»га қарши катта баҳс кутмоқда. Умид қиламанки, учрашув юқори савияда ўтади», — дея Холанднинг сўзларидан иқтибос келтирмоқда The Touchline.
«Манчестер Сити» ва «Арсенал» ўртасидаги ўйин 19 апрель куни Тошкент вақти билан соат 20:30 да бошланади.
