Якшанба куни Англия Премьер-лигасида марказий баҳс — «Манчестер Сити» ва «Арсенал» тўқнашуви бўлиб ўтади. «Шаҳарликлар» устози Хосеп Гвардиола бўлажак ўйин ҳақида ўз фикрларини билдириб ўтди.

«Агар биз Лига Кубоги финалининг иккинчи бўлимидагидек барча 95 дақиқа давомида ўйнасак, «Арсенал» эса ўша финалнинг иккинчи бўлимидагидек ҳаракат қилса, биз ғалаба қозонамиз. Футбол, албатта, олдиндан айтиб бўлмайдиган ўйин, аммо бундай ҳолатда биз ғалабага яқинроқ бўламиз. Биз истаётган нарса ҳам айнан шу.

Мен Микелни яхши биламан. Улар нималарнидир ўзгартиришади ва биз бунга тайёр туришимиз керак. Ушбу учрашувга қандай ёндашишни биламиз. Лига Кубоги муҳим, аммо Премьер-лига — анча муҳимроқ», — деди Гвардиола матбуот анжуманида.

Эслатиб ўтамиз, март ойида бўлиб ўтган Лига Кубоги финалида «Манчестер Сити» «Арсенал»ни 2:0 ҳисобида мағлуб этган эди.