«Мальорка» ҳужумчиси Ведат Мурики «Барселона»нинг қизиқишлар доирасига тушиб қолди. 31 ёшли футболчи ҳужум чизиғини кучайтириш учун «арзон» вариант сифатида кўрилмоқда. Журналист Том Андрёнинг маълумотларига кўра, «кўк-анорранглилар» Мурикини «ишончли захира ўйинчиси» сифатида кўришмоқда.

Бўйи баланд форвард Ханс-Дитер Флик жамоасига ўйин услуби жиҳатидан ранг-баранглик қўшиши мумкин – ҳозирда Каталония грандида бундай типдаги футболчи мавжуд эмас. Transfermarkt портали Ведат Мурикининг қийматини 4,5 миллион еврога баҳоламоқда. «Мальорка» етакчиси Ла Лиганинг жорий мавсумидаги тўпурарлар пойгасида 21 та гол билан иккинчи ўринни эгаллаб турибди ва фақат Мадриднинг «Реал» клуби ҳужумчиси Килиан Мбаппедан (23 та гол) ортда қолмоқда.