Ярим ҳимоячи Бернарду Силва жорий мавсум якунланганидан кейин «Манчестер Сити»ни тарк этади, бу ҳақда у бир неча кун олдин эълон қилган эди. SportMediaset нашрининг хабарига кўра, португалиялик футболчига «Ювентус» қизиқиш билдирмоқда.
Футболчи Турин клубидан бир мавсум учун тахминан 8 миллиондан 9 миллион еврогача маош талаб қилмоқда. «Ювентус» эса ярим ҳимоячининг бундай молиявий талабларини қондиришга тайёр эмас.
Бернарду Силва 2017 йилда «Монако»дан «Манчестер Сити»га 50 миллион евро эвазига ўтган эди. Ушбу мавсумда португалиялик «шаҳарликлар» сафида барча турнирларда 44 та ўйинда майдонга тушиб, учта гол урди ва бешта голли узатмани амалга оширди. Transfermarkt портали ярим ҳимоячининг қийматини 27 миллион еврога баҳоламоқда.













