«Милан» бош мураббийи Массимилиано Аллегри «россонерилар»нинг жорий мавсумдаги мақсадларини белгилаб олди.
«Биз учун Чемпионлар лигасига қайтиш яхши натижа бўларди. Келаси йили бу йилги натижани яхшилашимиз керак, ундан кейинги йили эса ҳар йили Скудетто учун курашадиган даражага етгунимизча ўсишда давом этишимиз лозим. Ҳозирча Чемпионлар лигасига йўлланма олайлик, кейин келаси йилги амбициялар қандай бўлишини кўриб чиқамиз. «Милан» учун мақсад доимо — борини бериб ҳаракат қилиш. Кейин эса воқелик сенинг олдингга қийинчиликларни қўяди, лекин доим аввалги йилги позицияни яхшилашга интилиш керак», — дея Аллегрининг сўзларини Николо Скира келтиради.
Айни дамда «Милан» Италия чемпионати турнир жадвалида 32 турдан сўнг 63 очко жамғарган ҳолда учинчи ўринда бормоқда.
