«Ювентус» А Серия доирасидаги «Болонья»га қарши муҳим ўйин олдидан ўз таркибини кучайтириб олди. Tuttosport нашрининг хабар беришича, Кенан Йилдиз ва Кефрен Тюрам жамоа билан тўлиқ машғулотларга қайтишди.
Йилдиз сўнгги ҳафталарда безовта қилган тиззасидаги яллиғланишдан сўнг соғайиб кетди. Ушбу жароҳат унинг «Аталанта»га қарши баҳсда ишончсиз ўйин кўрсатишига сабаб бўлган ва натижада Лучано Спаллетти футболчини алмаштиришга мажбур бўлган эди. Шундан сўнг туркиялик ҳужумчи бир неча кун давомида асосий гуруҳдан алоҳида машқ қилди.
Тюрамнинг муаммолари сабаби очиқланмаган, у ўтган турда майдонга тушган эди. Ушбу футболчиларнинг «Болонья»га қарши ўйинда иштирок этиши ҳозирча расман тасдиқланмади. Айни дамда Турин клуби А Серия турнир жадвалида 60 очко билан тўртинчи ўринни эгаллаб турибди.
