Мюнхеннинг «Бавария» ва Дортмунднинг «Боруссия» клублари Загребнинг «Локомотив» жамоаси ҳимоячиси, 15 ёшли Лиам Клод Канте учун курашга киришди. Ҳозирча футболчининг расмий трансфер қиймати белгиланмаган. У Хорватия ўсмирлар терма жамоаси (U-16) сафида иккита ўртоқлик учрашувида майдонга тушган.
Инсайдер Фабрицио Романонинг хабар беришича, иқтидорли ўйинчига «Хоффенхайм» ва «Ред Булл Зальцбург» клублари ҳам даъвогарлик қилмоқда.
«Бавария» Бундеслиганинг 29 туридан сўнг 76 очко билан турнир жадвалида пешқадамлик қилмоқда. Агар мюнхенликлар 30-турда «Штутгарт» устидан ғалаба қозонса, муддатидан олдин чемпионлик унвонини нақд қилади. «Боруссия» эса 64 очко билан иккинчи ўринда бормоқда ва учинчи поғонадаги «Лейпциг»ни беш очкога ортда қолдирмоқда.
