«Челси» жамоаси жуда ёмон спорт формасида бўлиб турибди. Англия чемпионатининг охирги тўртта учрашувида Лиам Росеньор шогирдлари кетма-кет мағлубиятга учрашди ва бирорта ҳам гол ура олишмади.

Премьер-лиганинг ушбу палласида «аристократлар» «Ньюкасл» (0:1), «Эвертон» (0:3), «Манчестер Сити» (0:3) ва «Манчестер Юнайтед» (0:1) жамоаларига имкониятни бой беришди.

BBC нашрининг хабар беришича, «Челси» тарихида фақат бир марта — 1912 йилда бундан ҳам узоқроқ давом этган голсиз мағлубиятлар серияси қайд этилган. Ўшанда серия бешта ўйиндан иборат бўлган. Ушбу антирекордни такрорлаш учун «Челси» сешанба куни, 21 апрель куни сафарда «Брайтон»га гол ура олмасдан мағлуб бўлиши керак.

Эслатиб ўтамиз, ҳозирда «Челси» АПЛ турнир жадвалида олтинчи поғонани эгаллаб турибди.