"Тоттенхэм" ҳимоячиси Кевин Дансо АПЛ 33-тури доирасидаги "Брайтон"га қарши ўйиндан (2:2) сўнг ирқчилик ҳақоратларига дуч келди.
"Премьер-лиганинг "Ирқчиликка ўрин йўқ" шиори остидаги дам олиш кунлари доирасида бўлиб ўтган кечаги "Брайтон"га қарши ўйиндан бери Кевин Дансо ижтимоий тармоқларда жиддий ва жирканч ирқчилик ҳақоратларига дуч келмоқда ва бу давом этмоқда.
Биз жирканч, ғайриинсоний ирқчиликни эшитдик ва кўрдик. Бу шубҳасиз жиноий жавобгарликка сабаб бўладиган хулқ-атвордир. Бунга йўл қўйиб бўлмайди. Клуб зудлик билан чоралар кўрмоқда. Биз аниқланган барча контент ҳақида пойтахт полициясига ва айбдорлар яшайдиган маҳаллий органларга, шунингдек, тегишли ижтимоий тармоқ платформаларига хабар беряпмиз. Биз аниқлаган ҳар бир шахсга нисбатан энг қатъий чоралар кўрилишига ҳаракат қиламиз.
"Тоттенхэм Хотспур"да ирқчиликка ўрин йўқ. Футболда ирқчиликка ўрин йўқ", — дейилади Лондон клуби баёнотида.
