«Ковентри» устози Фрэнк Лэмпард Чемпионшипнинг 2025/2026 йилги мавсумидаги энг яхши мураббийи деб топилди. Бу ҳақда турнир матбуот хизмати эълон қилди.
Аввалроқ «Челси» таркибида футболчи сифатида Чемпионлар Лигаси ғолиби бўлган мутахассис ушбу совринга номзодлар қаторига киргани хабар қилинган эди. У аллақачон мукофотни қабул қилиб олди. Эслатиб ўтамиз, Лэмпард «Ковентри»ни Чемпионшипдаги 25 йиллик танаффусдан сўнг яна АПЛга олиб чиқишга муваффақ бўлди. Жамоа турнир жадвалида биринчи ўринни эгаллаб турибди ва муддатидан олдин юқори дивизион йўлланмасини нақд қилди.
Лэмпард «Ковентри» бошқарувига 2024 йилнинг ноябрь ойида келган эди. Шу тариқа, клубни тарихий муваффақиятга етаклаш учун унга 1,5 йилдан камроқ вақт кифоя қилди.
