«Наполи» ҳужумчиси Ромелу Лукаку Неаполга қайтиб келди.
Эслатиб ўтамиз, март ойида 32 ёшли ҳужумчи жисмоний ҳолатини яхшилашга эътибор қаратиш мақсадида Бельгия терма жамоаси ихтиёрини тарк этган эди. Футболчи Бельгияда шахсий мураббий билан машғулот ўтказган ва бу клуб билан келишилмаган эди. «Наполи»нинг позицияси шундан иборат эдики, Лукаку 31 мартга қадар жамоа ихтиёрига қайтиши керак — акс ҳолда у таркибдан четлатилар эди. Ромелу белгиланган куни машғулотларга келмади ва клуб уни ўзбошимчалик билан келмагани учун жаримага тортишга қарор қилди.
Football Italia нашрининг CalcioNapoli24 га таяниб хабар беришича, «Наполи» ҳужумчиси якшанба куни кечқурун шахсий самолётда Италияга учиб келган. Яқин вақт ичида футболчи муносабатларни тиклашга ҳаракат қилиш учун «Наполи» раҳбарияти ва бош мураббий Антонио Конте билан учрашиши кутилмоқда.
