Франция терма жамоаси бош мураббийи Дидье Дешамнинг ёрдамчиси Ги Стефан «уч ранглилар» ҳужумчиси Юго Экитикенинг ахилл пайи узилгани ва шу сабабли ЖЧ-2026ни ўтказиб юбориши ҳақида фикр билдирди.
«Биринчи навбатда, бошқа ёмон хабарлар бўлмаслигига умид қиламиз. Афсуски, Юго жиддий жароҳат олди. Бу Франция терма жамоаси учун кучли зарба ва катта йўқотишдир. У бошқа ҳеч кимда бўлмаган ўзига хос қобилиятларга эга эди.
У ёш ўйинчи, АҚШдаги [Бразилия ва Колумбияга қарши] учрашувларда ўзини жуда яхши кўрсатди. Юго асосий таркибдан жой олишини кутганди, аммо бир неча сония ичида ҳаммаси барбод бўлди. Биз бу вазиятни енгиб ўтишимиз ва унга ўринбосар излашимиз керак», — деди Стефан Ouest-France нашрига берган интервьюсида.
