Мадриднинг «Реал» клуби бош мураббийи Альваро Арбелоа клубдаги келажаги борасидаги фикрлари билан ўртоқлашди.
«Мен келажагим ҳақида мутлақо ташвишланмаяпман. Мени фақат олдинда қолган еттита ўйин, айниқса, эртанги баҳс қизиқтирмоқда. Ҳозир хаёлимдаги ягона нарса шу», — дея Арбелоанинг сўзларини келтиради The Touchline нашри.
Эслатиб ўтамиз, Арбелоа жорий йилнинг январь ойида Хаби Алонсо ўрнини эгаллаб, «Реал» бош мураббийига айланган эди. Ла Лиганинг 31-туридан сўнг «қаймоқранглилар» 70 очко билан турнир жадвалида иккинчи ўринни эгаллаб турибди. Пешқадам «Барселона» билан фарқ тўққиз очкони ташкил этади.
Аввалроқ «Реал» Чемпионлар лигаси чорак финалида Мюнхеннинг «Бавария» клубига икки ўйин натижасига кўра имкониятни бой бериб, мусобақани тарк этган эди.
