«Ливерпуль» ярим ҳимоячиси Доминик Собослаи янги шартнома борасидаги музокаралар ҳақидаги саволга жавоб берди.

«Ҳеч қандай сезиларли силжиш кузатилмаяпти, шунинг учун шартномам билан боғлиқ вазият бўйича янги гап айта олмайман.

Олдинда ҳали ўйинлар кўп ва мен бор эътиборимни шунга қаратганман. Биласизми, амалдаги шартномам 2028 йилда тугайди, шу боис ҳар куни, ҳар ҳафта бор кучимни беришга тайёрман, кейин эса нима бўлишини кўрамиз.

Албатта, ўзимни узоқ муддат давомида ушбу клубда кўряпман, лекин бу энди фақат менга боғлиқ эмас. Менга бу ер ёқади. Мухлисларни яхши кўраман. Оилам ҳам хурсанд», – деди Доминик Собослаи.

Маълумот учун, ярим ҳимоячи жорий мавсумда АПЛнинг 31 та ўйинида 5 та гол урди ва 4 та голли узатмани амалга оширди.