«Милан» ва «Сампдория» клубларининг собиқ юлдузи, нидерландиялик афсонавий футболчи Рууд Гуллит Италия футболида кузатилаётган муаммолар юзасидан ўз фикрларини билдириб ўтди.

Гуллитнинг таъкидлашича, А Сериядаги муваффақиятсизликлар айрим маҳаллий экспертлар таъкидлаганидек, чемпионатда легионерлар сонининг кўплиги билан боғлиқ эмас.

— Илгари ҳам А Серияда чет эллик футболчилар кўп бўлган, бироқ бу Италия терма жамоасига энг юқори мақсадларни амалга оширишга халақит бермаган. Менимча, ҳозирги асосий муаммо ҳимоя чизиғида. Италия футболи доимо ҳужумларни яхши бошлай оладиган ва уларга ёрдам берадиган кучли ҳимоячилар билан ажралиб турган. Ҳозирда жамоаларда Кьеллини ёки Бонуччи каби маҳоратли ҳимоячилар етишмаяпти. Шу билан бирга, юқори даражадаги ҳужумчилар тақчиллиги ҳам сезилмоқда, — деди Гуллит.