Люка Шевалье мавсумни «ПСЖ»нинг асосий дарвозабони сифатида бошлаган эди, бироқ қиш бошидан бери россиялик Матвей Сафонов Лига 1 грандининг биринчи рақамли посбонига айланди.
RMC Sport хабарига кўра, Сафонов кийиниш хонасида катта ҳурматга сазовор — жамоадошлари уни ижобий кайфияти учун мақташмоқда. Шевальега келадиган бўлсак, у жамоа билан кам мулоқот қилади ва кўп вақтини ёлғиз ўтказади.
Қайд этилишича, бу бирор муаммо билан боғлиқ эмас, шунчаки футболчининг характери шундай.
«Шевалье — яхши йигит. Бундай киришиб кетиш жараёни ғайритабиий туюлиши мумкин, лекин у шунақа одам. Шунингдек, у штаб ходимлари билан кўп вақт ўтказишни хуш кўради», — деб таъкидлади манба.
Эслатиб ўтамиз, «ПСЖ» якшанба куни ўз уйида «Лион»га 1:2 ҳисобида имкониятни бой берди.
