Мадриднинг «Реал» клуби ва Испания терма жамоаси афсонавий ҳимоячиси Фернандо Йерро мисрлик ҳужумчининг «қаймоқранглилар» сафига ўтиши борасидаги истагини билдирди. Эслатиб ўтамиз, Муҳаммад Салоҳ «Ливерпуль»даги сўнгги мавсумини ўтказмоқда.
«Мен уни «Реал» таркибида кўришни истаган бўлардим. Футболда ҳамма нарсанинг иложи бор, шу жумладан буни ҳам. Салоҳ ҳар томонлама ақл бовар қилмайдиган даражадаги футболчи. Агар у «Реал» ёки ҳатто «Барселона» даражасидаги клубга ўтса, чемпионатга бўлган қизиқишни жуда юқори даражага кўтарган бўларди», — дея Йерронинг сўзларини келтиради ON Sport.
Қайд этиш лозимки, Муҳаммад Салоҳ фаолияти давомида Италия чемпионатида тўп тепган, бироқ ҳеч қачон Испанияда ўйнамаган. Эндиликда эркин агент сифатида унинг кейинги манзили қайси клуб бўлиши футбол оламининг диққат марказида турибди.
