«Реал»нинг собиқ ярим ҳимоячиси Тони Кроос футболчилик фаолиятини қайта тиклаш эҳтимоли ҳақида ўз муносабатини билдирди, дея хабар бермоқда Sports.kz.

— Қайтиш ҳақида ўйладимми? Йўқ. Мен фаолиятимни айнан истаганимдек якунладим. Бу саҳифани ёпдим. Ҳатто қайтишни истаган тақдиримда ҳам, мен ҳар доим фаолиятни бундан яхшироқ тарзда якунлаш мумкин эмас деб ҳисоблайман, — деди Кроос.

Эслатиб ўтамиз, Тони Кроос 2024 йилда футболчилик фаолиятини якунлаган. У профессионал фаолияти давомида фақат учта клубда ўйнаган: «Бавария», «Байер» ва «Реал». Леверкузен жамоасида у фақат бир мавсум ижара асосида ҳаракат қилган. Шунингдек, Кроос 2010–2024 йиллар оралиғида Германия миллий терма жамоаси шарафини ҳимоя қилган.