«Челси» ва Бразилия терма жамоаси аъзоси Эстевао сонининг орқа мушагидан жароҳат олди. Инсайдер Каэ Мотанинг хабар беришича, футболчининг тикланиши учун 15 кундан 20 кунгача вақт талаб этилади.
Маълум бўлишича, иқтидорли вингер май ойида сафга қайтади. У «Челси» таркибида Англия кубоги финалида (агар жамоа у ерга чиқа олса) майдонга тушишга ва Бразилия терма жамоаси бош мураббийи Карло Анчелоттининг Жаҳон чемпионати учун қайдномасидан жой олишга умид қилмоқда.
Шифокорлар ва мураббийлар штаби Эстеваонинг май ойидаги йиғинга тайёр бўлишига шубҳа қилишмаяпти. Шундай қилиб, 19 ёшли футболчи ёзда бўлиб ўтадиган мундиални ўтказиб юбормайди.
