Кёртис Джонс «Ливерпуль»даги ҳозирги ҳолатидан қониқмаяпти. Футболчига мерсисайдликлар таркибида иккинчи даражали ролда бўлиш ёқмаяпти.
Football Insider нашри берган хабарларга кўра, инглиз хавбеки ёзги трансфер ойнасида «қизиллар» лагерини тарк этишни режалаштирмоқда. Джонс ўзи асосий роллардан бирини ижро этадиган жамоага ўтишни истайди. Аввалроқ Британия матбуотида 25 ёшли ярим ҳимоячига Бирмингемнинг «Астон Вилла» клуби қизиқиш билдираётгани ҳақида хабарлар тарқалган эди.
Англия Премьер-лигасининг жорий мавсумида Кёртис 29 та учрашувда майдонга тушди. Ушбу ўйинлар давомида ярим ҳимоячи битта гол урди ва битта сариқ карточка олди.
