«Бавария» бош мураббийи Венсан Компани 2026 йилги жаҳон чемпионатида эксперт сифатида ишлаш таклифини рад этди.

«Ҳеч қачон! Нима учун таътилим вақтида бу ишни қилишим керак? У ҳолда кейинги мавсумда Мюнхенда оилам бўлмайди (оиламдан ажраб қоламан). Бунга ҳеч қандай имконият йўқ», — дея Компанининг сўзларидан иқтибос келтирмоқда журналист Фабрицио Романо.

Компани 2024 йил ёзида «Бавария» бош мураббийи этиб тайинланган эди. Аввалроқ мюнхенликлар муддатидан олдин Германия чемпионига айланиб, кетма-кет иккинчи бор ушбу совринни қўлга киритишганди. 2026 йилги жаҳон чемпионати шу ёзда АҚШ, Канада ва Мексикада бўлиб ўтади. Компанининг ватани — Бельгия терма жамоаси «G» гуруҳида Миср, Эрон ва Янги Зеландия билан кураш олиб боради.