Лондоннинг «Тоттенхэм» клуби ҳимоячи ва жамоа сардори Кристиан Ромерони ёзги трансфер ойнасида сотишга тайёр. Cadena 3 нашрининг хабарига кўра, клуб футболчи учун икки хил нарх белгилаган.

Агар аргентиналик ҳимоячига Англиядан ташқаридаги клублардан таклиф тушса, «шпорлар» тахминан 43,7 млн евро талаб қилишади. Бироқ АПЛнинг бошқа бир жамоаси Ромерони сотиб олмоқчи бўлса, трансфер қиймати 61 млн еврогача кўтарилиши мумкин. Қайд этилишича, ушбу нархлар жамоанинг мавсум якунида АПЛда қолиш-қолмаслигига боғлиқ эмас.

Маълумот учун, 27 ёшли Ромеро жорий мавсумда барча турнирларда 32 та ўйинда майдонга тушиб, ҳимоячи бўлишига қарамай, 6 та гол ва 4 та голли узатмага муаллифлик қилди. Унинг лондонликлар билан амалдаги шартномаси 2029 йилнинг ёзигача мўлжалланган.