Антонио Конте кейинги мавсумда ҳам «Наполи»ни бошқаришда давом этиши мумкин.
Corriere dello Sport нашрининг хабарига кўра, мураббий ўз позициясини аниқ баён қилган: у Неаполь клубида қолишга тайёр. Италия терма жамоасини бошқариш эҳтимоли у учун асосий масала эмас. Энг муҳими — келажакдаги умумий режалар. Кейинги мавсум учун Чемпионлар лигаси йўлланмаси масаласи ҳал бўлиши билан «Наполи» раҳбарияти билан ўтказиладиган суҳбат айнан шу мавзуга қаратилади.
Антонио Конте «Наполи» жиловини 2024 йилда қўлга олган эди. Унинг қўл остида неаполликлар ўтган мавсумда А Серия ғолиблигини қўлга киритишди.
